هل تعلم من هى مى الخريستى ؟ - انفوجراف Infograph

احدث المواضيع

add

الجمعة، 27 مارس 2020

هل تعلم من هى مى الخريستى ؟

هل تعلم من هى مى الخريستى ؟  

هل تعلم من هى مى الخريستى ؟
هل تعلم من هى مى الخريستى ؟ 

من يومين قريت بوست عن ان مي الخرسيتي كان عندها مطعم وقفلته في فلوريدا وكان مرفق بصور.. وبحكم ان فيديوهاتها كانت بتعدي عليا من زمان، وهرشت الشخصية اللي عايزة تبهر أي فئة من الناس باي تمن عشان ترضي الايجو بتاعها -اللي واضح انها فشلت فيه في حياتها الواقعية فقالت اجرب في الحياة الافتراضية.


 دخلت بنفسي عشان اتاكد انه كلام حقيقي على موقع سكرتير الولاية اللي بيصدر تصاريح البيزنس في فلوريدا وبعد بحث وصلت لمعلومات جديدة كمان بنفسي عن طريق الصدفة.
هل تعلم من هى مى الخريستى ؟
هل تعلم من هى مى الخريستى ؟ 


 هل تعلم ما هو هدف الخريستى ؟ 


طبعا الهدف من البوست مش الدخول في تفاصيل مادية واي حد في أي مكان وارد انه يتعرض لضيقة مادية او انه يفتح مشروع ومينجحش ودي حاجة متعيبش حد لكن مش ده المهم , المهم ان اللي لفت نظري ان الوصلة اللي بتعيدها كل شوية في فيديوهاتها انها رجعت مصر عشان تفيد المصريين بعلمها وعلى حسب كلامها في فيديو قريب ردا على الناس اللي مش مقدرة مجهودات محاولاتها لاخراجنا من الظلمات الى النور


 انها "سايبة البي ام في أمريكا وجت مصر بتركب اوبر" عشان تفيد ولاد بلدها وان السي ان ان بيبوسوا رجل اللي زيها (والله قالت كدة) عشان تشتغل معاهم وانها كانت عايشة في رخاء لكن ضحت عشان تفيد البلد مش متماشي مع التفاصيل اللي لقيتها.. كمان التايملاين بتاع الاحداث اللي هذكرها ووقت نزولها مصر مهم في سياق الاحداث اللي لقيتها

هل تعلم كيف سقطت الخريستى فى امريكا ؟ 

مبدئيا هي قدمت على رخصة فتح البيزنس في يناير ٢٠١٣ بتاريخ البدء في ابريل ٢٠١٣ وبعد كدة قدمت طلب لتصفية البيزنس بتاعها في فبراير ٢٠١٥ وكتبت فيه السبب ان المبيعات نزلت ٦٠٪ ومبقتش تقدر تدفع فواتيره (عادي مفهاش حاجة برضو ولو ان غريبة ان مطعم مبيعاته تقل كل ده في خلال اقل من سنتين بس ما علينا مش موضوعنا)..

بعد ما باعت او قفلت المطعم بتاعها في فبراير ٢٠١٥ كان فيه شركة اسمها سيسكو متخصصة في توفير معدات ومستلزمات لمطابخ المطاعم والفنادق والخ, مي كانت مدانة ليهم بحوالي ٣٢٠٠ دولار ورفعوا قضية عليها في نوفمبر ٢٠١٥ وقالوا ان العقد اللي بينهم وبينها كان بيلزمها بالدفع بوقت أقصاه مارس ٢٠١٥.

هل تعلم من هى مى الخريستى ؟
هل تعلم من هى مى الخريستى ؟ 

 لكن هي قعدت تتهرب منهم حوالي سنتين واي حد يقدر يخش يجيب سجلات أي قضية من موقع المحكمة وهضيف لينكات كمان في اخر البوست لأي حد عاوز يشوف السجلات بنفسه.. 
متخيلين اعزائي القراء واحدة كانت ضاكتورة في بلاد برة, وإمبراطوريات إعلامية ومؤسسات بتلهث على خدماتها ومش عارفة تدفع فاتورة بتلت تلاف دولار لاكتر من تلت سنين (مفيش معلومة اذا كان دفعت في الاخر ولا لا لكن الحكم بالزامها بالدفع كان في فبراير ٢٠١٧ وفي مارس ٢٠١٧ 

اترفض طلبها بجلسة جديدة بحجة انها مش مقيمة داخل المقاطعة اللي المحكمة بتغطيها وان توقيعها تم تزويره , وفي مايو ٢٠١٨ الشركة طالبت انها تقدم كشف بدخلها واملاكها عشان يقدروا يحصلوا المبلغ بناء ع الحكم (هانشرح الطلب دا بس بعد ما نوضح الاول حكاية النظام المالي في أمريكا )

للي ميعرفش النظام، سمعة الشخص المادية في أمريكا تقريبا كلها معتمدة على مقياس واحد بس -الكريديت سكور- والديون اللي مبتتدفعش في وقتها سواء كانت قروض او فواتير كريدت ...الخ طالما متسجلة في ملف الشخص بتاثر على السكور ده .

 وكل ما مدة تأخير الدفع تزيد او مبلغ الدين يكبر (او الاتنين مع بعض) كل ما السكور ده بينزل, والسكور ده حيوي جداً في حياتك في امريكا لانه بياثر عليها جداً وفي حاجات مهمة زي شراء عربية او بيت او انك تاخد قرض بفايدة قليلة ...الخ .

وبسببه حياتك العملية ممكن تبقى اصعب غير ان لو ليك دخل فوق مستوى معين او ممتلكات ممكن تلاقي الجهات المسئولة جايه تاخد تمن الديون اللي عليك منها (فاكرين المشهد المشهور في الافلام الامريكية لما البطل يصحي على صوت عربية نقل ويطلع يبص يشوف فيه ايه يلاقيهم بيشيلوا عربيته)..

 فالعواقب مبتبقاش مجرد ان عليك فلوس وملزم تدفعها لكن بتخلي حياتك عامة متلجمة لو انت معتمد على نفسك ماديا، وبالتالي معروف ان الحاجات دي مفهاش هزار ومش محتاج تكون عبقري عشان تعرف انك مينفعش تطنش حاجة زي كدة الا لو انت فعلا مش قادر تتصرف او مستبيع وهتعتمد علي حد تاني . 

بمعني تاني هتشتري او تقسط حاجات بإسم حد تاني والموضوع دا فيه مخاطرة كبيرة لو الحد دا مش ثقة وده دليل اكبر بيدحض نظرية ان رحلة العودة الكبرى كانت في حب مصر وترابها

لو بصينا بقي للملفات المرفوعة على موقع المحكمة هنلاقي ان الشركة اللي رافعة القضية تقريبا بتجري وراها عشان بس تعرف تثبت انها عرفت ان فيه قضية في المحكمة (رغم انها قضية مدنية ومش محتاجة حتى غير انها تتخاطب بالبريد او التليفون وحضورها بشخصها اختياري)


نيجي بقى لاكتر حتة ضحكتني الصراحة وهو الجواب اللي كاتباه بخط أيدها بلغة ركيكة جدا متلقش بباحثة وعالمة.. واحلى حاجة وهي كاتبة للقاضي بتقول ان الدعوى بتقول اني كنت لازم ادفع في مارس ٢٠١٥ وانا بيعت المحل في فبراير يبقى مش انا (ده على أساس ان الديون بتسقط باغلاق المحلات التجارية لا بجد معرفتكش انا كدة) المهم ان القضية اتحكم فيها في الاخر في فبراير ٢٠١٧ زي ما قولت والمحكمة الزمتها بدفع الفوايد ومصاريف المحاماة والمبلغ الإجمالي بقى ٦٥٨٦ دولار.

 واترفض طلبها بإعادة الجلسة بعد ما اتهمت مندوب الشركة انه زور توقيعها عشان يغطي غلطاته قدام شركته.

معلش طولت عليكم وبحاول اختصر بس فيه تفصيلة تانية مهمة ان بعد الحكم باكتر من سنة وفي مايو ٢٠١٨ (وبعد استقرارها في مصر) ممثل الدفاع للشركة بعتلها خطاب بحاجة اسمها“Request to produce”
اللي هو مطالبة قانونية ان الشخص اللي صدر ضده حكم بالدفع يقدم كشف بكل ممتلكاته وحساباته البنكية والشركة كمان في تاني صفحة من الخطاب كاتبة ليستة بالحاجات اللي مطالب بالكشف عنها( زي العربية البي ام كده ) .. 
يعني ده ان دل على شيء يدل على انها حتى وقت رجوعها لمصر كان الشركة بتطالبها بدفع المبلغ اللي عليها – تاني مفيش مشكلة لكن المشكلة انه ده شيء متناقض ١٨٠ درجة مع الادعاء انها رجعت مصر وتركت المادة بمزاجها.


طبعا الموضوع ده لوحده مش الصورة الكاملة لكن تفاصيله وتوقيته بيهدم الادعاءات الرخيصة بتاعة انها تنازلت عن الماديات والأموال في أمريكا عشان لقيتكم عاوزين اللي يربيكم ويعلمكم يا ولاد بلدي.


هل تعلم لماذا عادت الى مصر ؟ 

نيجي بقى لتوقيت ظهورها في مصر واللي بيثبت انه كان له أسباب شخصية ملوش علاقة بفايدة البلد ولا نيلة (ظهرت كضيفة في برنامج على قناة dmc في يوليو ٢٠١٧ وقالت انها ناوية تستقر في مصر وتشوف حاجة في مجال الاعلام:

 


وبرومو اعلان برنامجها ع القاهرة والناس مرفوع بتاريخ نوفمبر ٢٠١٧: 


اخر حاجة مهم اني اذكرها هي محاولتها المستميتة للظهور,من بعد اغلاق محلها بدأت مي تفكر في طريقة تظهر بيها وعملت كذا فيديو بتكلم على مواضيع نسويه وجنسية وبجراءة لكن عدد المشاهدات ظل في الإطار العادي جداً لحد في منتصف 2016 لما عملت فيديو عن ضرب الزوجات والفيديو اتشاف بشكل غير عادي تجاوز المليون ونصف مشاهدة .


 ودا رقم كبير جداً وقتها بالنسبة لفيديوهات الفيسبوك (وفي الغالب استعانت بشركات متخصصة في الموضوع دا ساعدتها في انتشار الفيديو ) ومن هنا هي فهمت ان الحل اللي يضمن ليها استمراريتها هو اسلوبها الهيستيري اللي كله مزايدات او ايحاءات جنسية .
وبدأت تخطط ان الطريقة دي هي اللي هتأمن مستقبلها المالي او على الادق ان مستقبلها المالي ممكن يكون في مصر مش امريكا ( يعني مصر طوق النجاة ليها مش العكس زي مابتحاول تقول انها سابت اغراءات امريكا علشان تيجي مصر )

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لينك من موقع قسم الشركات لسكرتير الولاية في فلوريدا لتاريخ الشركة اللي أسستها للمطعم:

http://search.sunbiz.org/…/CorporationS…/SearchResultDetail…


لينك لموقع سجلات المحكمة لManatee County اللي كان فيها القضية (لو دوست على علامة العين اللي تحت كلمة view هتلاقي كل الملفات):
https://records.manateeclerk.com/CourtRe…/Search/CaseNumber…

















هناك تعليق واحد:

Post Top Ad

Responsive Ads Here